Maktabning А блок. – 4 qavatli 480 nafar o‘quvchi o‘ringa mo‘ljallangan asosiy o‘quv binosida 24 ta sinf xonasi, 120 o‘rinli konferens zal, o‘qituvchilar xonasi, badiiy va o‘quv adabiyotlar bilan ta’minlangan  Axborot resurs markazi, “Innovatsion laboratoriya”, “Kichik akademiklar”, “Robototexnika”, musiqa, texnologiya va “metodbirlashma” xonalari hamda o‘quvchilar o‘rtasida sog‘lom turmush tarzini targ‘ib qilishga qaratilgan psixolog, stelist, gimnastika va echinish xonalari tashkil etilgan.

Maktabning B блок. – 2 qavatli 280 nafar o‘quvchi o‘ringa mo‘ljallangan zamonaviy laboratoriyalar o‘quv binosida 4 ta bilogiya, 4 ta kimyo, 2 ta fizika laboratoriya xonalari hamda 13 ta sinf xonasi, 60 o‘rinli kichik konferens zal tashkil etilgan.

Maktabning sport majmuasi – o‘quvchilar o‘rtasida turli sport musobaqalarini o‘tkazish uchun 36x18 o‘lchamli sport zali, basketbol, voleybol, qo‘l to‘pi va mini futbol maydonchasi mavjud bo‘lib, barcha zarur sport anjomlari bilan ta’minlangan. Shuningdek, 9x15 o‘lchamli yopiq suv havzasi barpo etilgan.O‘quvchilar turar joyi - 4 qavatli 310 nafar o‘quvchi o‘ringa mo‘ljallangan barcha qulayliklarga ega o‘quvchilar mehmonxonasi faoliyat ko‘rsatadi. Uning har bir qavatida yuvinish xonalari, hojatxonalar va dam olish maydonchalari, o‘quvchilarining bo‘sh vaqtlarini mazmunli tashkil etish uchun “Innovatsion laboratoriya”, tibbiyot xonasi, kir yuvish xonasi navjud.

O‘quvchilar oshxonasi - 1 qavatli 250 nafar o‘quvchi o‘ringa mo‘ljallangan barcha qulayliklarga ega oshxona faoliyat ko‘rsatadi. O‘quvchilar uchun 5 mahal bepul ovqatlanish tashkil etilgan.

Maktab hududi – 3,75 Ga bo‘lib jami 2009 ta turli xil mevali va dekoratuv daraxtlar mavjud. Ayni kunda, 4 xil navdagi 500 ta olma ko‘chatlaridan intehsiv bog‘ yaratildi. Shuningdek, maktabda WiFi zona tashkil etilgan.